پیر، 17 مارچ، 2014

احوالِ مولاقات،،،،،،یونس مجاز اور فاروق فیصل خان

      ایک بھائیوں جیسے دوست سے ملاقات کا احوال فاروق فیصل خان( ایگزیکٹو ایڈیٹر روزنامہ نئی بات ) سے رشتہءِ خلوص کم و پیش گزشتہ 15 سالوں پر محیط ہے بھائیوں جیسے اس تعلق کا آغاز اس وقت ہوا تھا جب فاروق فیصل بھائی نے بطور ریزیڈینٹ ایڈیٹر روزنامہ پاکستان اسلام آباد کا چارج سنبھالا تو راقم پہلے سے روزنامہ پاکستان کے ساتھ منسلک تھا پھر مجھے بیوروچیف بنا دیا گیا فاروق فیصل خان نے بعد ازاں روزنامہ دن راولپنڈی کی اشاعت کا آغاز کیا تو راقم کو بھی ساتھ ہی رکھا، سو میں نے روزنامہ پاکستان اور روزنامہ دن کو خبروں کی ترسیل جاری رکھی لیکن پھر میں اپنی کم ہمتی کی وجہ سے صرف روزنامہ پاکستان تک محدود رہ گیا اور فاروق بھائی کی پرواز جاری رہی وہ نیشنل پریس کلب اسلام آباد کے صدر بن گئے ان کا شمار اسلام آباد کے انتہائی با اثر  سینئر صحافیوں میں ہو تا ہے اپنی کمیونٹی کے لئے میڈیا کالونی سمیت بہت سے فلاح و بہبود کے کام ان کے کریڈٹ پر ہیں ،آج کل ایگزیکٹو ایڈیٹر روزنامہ نئی بات ہیں ۔چونکہ زمانے کے نشیب وفراز نے رابطوں کو مفقود کردیا تھا اس لیئے دس سال سے کوئی میل ملاقات کی سبیل نہ نکل سکی،14 مارچ کو اکادمی ادبیات اسلام آباد مین عزیز دوست اور بھائی اختر رضا سلیمی کی کتاب" خواب دان " کی تقریبِ رونمائی  میں شرکت کے سلسلہ میں اسلام آباد جا نا ہوا،چونکہ تقریب سہ پہر چار بجے تھی اور میں 12 بجے اسلام آباد پہنچ گیا تھا سو گردشِ ماہ وسال کے طویل فاصلوں کو سمیٹتے ہوئے  روزنامہ نئی بات کے آفس جا نکلا لیکن فاروق فیصل خان ابھی آفس نہیں پہنچے تھے، ویٹنگ روم میں محو انتظار تھا کہ کچھ دیر بعد فاروق بھائی نمو دار ہوئے اور دیکھتے ہی یہ کہتے ہوئے گلے لگا لیا "او جناب کی حال اے کتھے غائب ہو گئے سو"بازو سے پکڑ کر اپنے آفس میں لے گئے، میں جو خوشگوار حیرت مین گم تھا یہ سوال داغ دیا سر مجھے پہچانا ،کمال کرتے ہیں یو نس صاحب بلکہ مجاز صاحب ابتدائی دنوں کے ساتھیوں کو کوئی بھول سکتا ہے اور پھر آپ سے تو بھائی بندی کا رشتہ ہے، پھر اپنے آفس کے چند دوستوں سے راقم کا تعارف انتہائی محبت سے کروایا،بیتے دنوں پر پڑی گرد جھاڑی، چائے پی، نماز جمعہ کی ادائیگی کے لئے اجازت چائی تو حکم ملا کھانا اکھٹے کھائیں گے نماز پڑھ آئیں نماز سے واپس آیا تو آفس کے دیگر لوگوں کے ہمراہ ان کے آفس مین کھانا کھایا آغا یاسر بھائی نے اس ملاقات کو کیمرے کی آنکھ مین محفوظ کر کے ان لمحوں کو یادگار بنا دیا آغا یاسر صاحب سے بھی روزنامہ پاکستان کے زمانے سے خلوص کا رشتہ ہے ۔۔۔۔۔۔بقول شاعر ؛
                                       یہ رشتہءِ خلوص ہے ٹوٹے گا کس طرح ۔
                                     روحوں کو چھو سکے ہیں کب فنا کے ہاتھ ۔
رابطے جاری رہنے کے عہد کے ساتھ اجازت چاہی اور اگلی منزل کی طرف چل نکلا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 کالم نگار و شاعر یو نس مجاز ،ایگزیکٹو ایڈیٹر روزنامہ نئی بات و سابق صدر نیشنل پریس کلب اسلام آباد فاروق فیصل خان(تصاویر آغا یاسر خان
)




منگل، 4 مارچ، 2014

مانسہرہ کے صحافی ابرار تنولی کے قتل کی شدید مزمت ۔۔۔۔یو نس مجاز

 مانسہرہ کے صحافی ابرار تنولی کے قتل کی شدید مزمت  
مانسہرہ کے صحافی ابرار تنولی کے قتل کی شدید مزمت کرتے ہوئے ضلع مانسہرہ کی انتظامیہ سے مطالبہ کیا جا تا ہے کہ وہ ابرار تنولی کی قاتلوں کو قانون کے کہڑے میں لا کر انھیں کیفر کردار تک پہنچائے، مرحوم کے اہل خانہ کی داد رسی اور مرحوم کے بچوں کی کفالت و تعلیم کا سرکاری سطح پر انتظام کیا جائے ،اور ہم دعا گو ہیں اللہ تعالیٰ مرحوم کے درجات بلند کرے اور لواحقین کو صبرِ جملی عطا کرے آمین